لاہور کی فورٹ فوڈ اسٹریٹ کی رونقیں بحال

صوبہ پنجاب کے دارالحکومت لاہور کی فورٹ فوڈ اسٹریٹ کی رونقیں بحال ہوگئیں، شہریوں نے مزیدار کھانوں کا لطف اٹھانے کے لیے بڑی تعداد میں یہاں کا رخ کرلیا۔

تفصیلات کے مطابق لاہور میں شاہی قلعہ کے قریب 21 جنوری 2012 کو فورٹ فوڈ اسٹریٹ بنائی گئی تھی تاہم کافی عرصے سے یہ فوڈ اسٹریٹ بند تھی۔

اب 9 سال بعد تعمیر نو اور رنگ و روغن کے بعد دوبارہ اسے کھول دیا گیا ہے، فوڈ اسٹریٹ کی دیواروں پر فنکاروں کی پینٹنگز بھی بنائی گئی ہیں۔

اس موقع پر والڈ سٹی اتھارٹی کے ڈائریکٹر جنرل کامران لاشاری نے فوڈ اسٹریٹ کا افتتاح کیا۔

کامران لاشاری کا کہنا تھا کہ ابھی صرف فوڈ اسٹریٹ بحال کی گئی ہے، یہاں قوالی، داستان گوئی، ٹکسالی کا دورہ اور صوفی میوزک وغیرہ بھی دوبارہ شروع کیا جائے گا۔

انہوں نے کہا کہ لاہور اپنے میلوں، تفریحات اور ثقافت کے لیے مشہور ہے اور ہم دوبارہ اس کی اس حیثیت کو بحال کریں گے۔

دوسری جانب وہاں آنے والے شہری بھی لطف اندوز ہورہے ہیں اور فیملی کے لیے ایک اور پبلک پلیس کے اضافے پر خوش ہیں۔

The post لاہور کی فورٹ فوڈ اسٹریٹ کی رونقیں بحال appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3IFpTQd