کراچی میں رہائشی زمین پر قائم شادی ہال ختم کرنے کا حکم

کراچی: سندھ ہائی کورٹ نے اورنگی ٹاؤن شپ دارالسلام سوسائٹی میں رہائشی زمین پر قائم شادی ہال ختم کرنے کا حکم دیتے ہوئے 24 دسمبر کو رپورٹ پیش کرنے کا حکم دے دیا۔

تفصیلات کے مطابق سندھ ہائی کورٹ میں اورنگی ٹاؤن شپ دارالسلام سوسائٹی میں رہائشی زمین پر شادی کے خلاف سماعت ہوئی ، دوران سماعت رہائشی پلاٹ پرتجارتی سرگرمیاں کرنے پر عدالت نے برہمی کا اظہار کیا۔

جسٹس ظفراحمد راجپوت نے استفسار کیا کیارہائشی پلاٹ پرسرگرمیاں ہوسکتی ہیں؟ جس پر وکیل نے بتایا کہ پلاٹ کی حیثیت تبدیل کرنےکےلیے درخواست دےرکھی ہے۔

عدالت نے سوال کیا پلاٹ کی حیثیت تبدیل ہونےسےپہلےکیسےتجارتی سرگرمیاں شروع کرسکتےہیں؟ جس پر وکیل ایس بی سی اے کا کہنا تھا کہ بالآخر متعلقہ اداروں کوکارروائی کرنی ہے۔

جسٹس ظفرراجپوت نے ریمارکس دیئے کہ بالآخرقیامت بھی تو آنی ہے کیا سارے کام قیامت تک چھوڑدیں؟ عدالت نے سمش الدین سومروکوشادی ہال کے خلاف کارروائی کاحکم دیا تھا۔

عدالت نے استفسار کیا یہ کون ہےکس نےکارروائی کرنی ہے؟ غیرقانونی شادی ہال کےخلاف کتنی دن میں کارروائی مکمل ہوگی تو وکیل ایس بی سی اے نے بتایا کہ 10دن میں شادی ہال کو مسمار کردیں گے۔

عدالت نےرہائشی زمین پر قائم شادی ہال ختم کرنے کا حکم دیتے ہوئے 24 دسمبرکورپورٹ پیش کرنے کا حکم دے دیا اور کہا کارروائی نہ کی تومتعلقہ افسران کےخلاف توہین عدالت کارروائی کریں گے۔

The post کراچی میں رہائشی زمین پر قائم شادی ہال ختم کرنے کا حکم appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3oHlR1W