کرونا وائرس: ملک میں نئے کیسز میں بتدریج کمی کا سلسلہ جاری

اسلام آباد: پاکستان میں کرونا وائرس کے نئے کیسز اور اموات میں بتدریج کمی کا سلسلہ جاری ہے، 24 گھنٹوں کے دوران یومیہ نئے کیسز کی تعداد ایک ہزار سے نیچے آگئی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 39 مریض انتقال کر گئے جس کے بعد کرونا وائرس سے مجموعی اموات کی تعداد 22 ہزار 73 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 930 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 9 لاکھ 50 ہزار 768 ہوچکی ہے۔

ملک میں کرونا وائرس کے صحت یاب مریضوں کی مجموعی تعداد 8 لاکھ 95 ہزار 690 ہوچکی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 45 ہزار 519 ٹیسٹ کیے گئے، اب تک ملک میں 1 کروڑ 42 لاکھ 32 ہزار 960 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 2.04 فیصد رہی، ملک بھر کے 631 اسپتالوں میں کرونا وائرس کے 2 ہزار 173 کیسز تشویشناک حالت میں ہیں۔

ویکسی نیشن کی صورتحال

ملک میں اب تک 72 لاکھ 67 ہزار افراد کو ویکسین کی ایک ڈوز جبکہ 35 لاکھ 66 ہزار 547 افراد کو ویکسین کی دونوں ڈوزز لگائی جا چکی ہیں۔

The post کرونا وائرس: ملک میں نئے کیسز میں بتدریج کمی کا سلسلہ جاری appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3d7yzRn