سابق وزیراعظم نے چیئرمین نیب سے بڑا مطالبہ کردیا

اسلام آباد: سابق وزیراعظم نے ایک بار پھر نیب کو نشانے پر رکھ لیا ، کہتے ہیں کہ ملک کو نیب کےحوالےکردیں کہ وہ بہتر چلالےگا۔

تفصیلات کے مطابق اسلام آباد میں میڈیا سے گفتگو میں لیگی رہنما شاہدخاقان عباسی نے انکشاف کیا کہ حکومتی حکومتی شخصیات نے کہہ دیا ہےآپ نیب کو چلالیں یا حکومت چلالیں، جتنا نقصان نیب نے ملک کو پہنچایا کسی اور ادارےنےنہیں پہنچایا۔

سابق وزیراعظم نے کہا کہ آج بیس ہزار ارب سے زائد کےاسکینڈل ہیں، نیب خاموش بیٹھا ہے،مجھےپر کیس ہے کہ ایل این جی ٹرمینل نہیں لگناچاہئے یہاں توچھ دن ایل این جی بند رہی تو ملک بیٹھ گیا، اگر انہیں قانون کی الف ب بھی آتی ہےتو کیسز کوملاحظہ کریں۔

شاہدخاقان عباسی کا کہنا تھا کہ جب تک نیب ہوگا ہمارا ملک نہیں چل سکےگا، نیب کاموں میں مداخلت کرتا ہےنیب کےہوتے ترقی نہیں ہوسکتی، چیئرمین نیب سےکہتا ہوں کہ کیسز ختم کریں۔

سابق وزیر اعظم نے الزام عائد کیا کہ آزاد کشمیر میں الیکشن ہے پوری دنیا کی نظر اس پرہے، میری نزدیک آزاد کشمیر میں بھی الیکشن چوری کی کوشش کےشواہد موجود ہیں۔

The post سابق وزیراعظم نے چیئرمین نیب سے بڑا مطالبہ کردیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3hfnLD3